Muga naga natpathu natpandru...........

நட்பு...
அழகான வார்த்தை.
மொழியை மட்டும்
படிக்கத் தெரிந்தவர்களுக்கு...
ஆழமான வாழ்க்கை
உள்ளத்தை படித்தவர்களுக்கு...l


*****************************************
கண்கள் இல்லையென்பது
காதலுக்கு மட்டுமில்லை..
ஆண் பெண் வேறுபாடுபாரா
நட்புக்கும் தான்...
*****************************************


நட்பு...
நெஞ்சில் வைத்துள்ள போதும்
சுவாசமாய் வாசம் வீசும்
தூக்கி எறிந்தும் புன்னகை வீசும்.
சிறு புன்னகையில் பூத்து
தோளோடு தோள் கொடுத்து
மூன்றாம் கையாய் நம்பிக்கை தந்து
என்றும் உயிருள்ள நிழலாய்
நம்மோடு துணை நின்று...
வாடாத குறிஞ்சி மலர்..

*****************************************


விட்டுப் போன மனங்களால்
பட்டுப் போன இதயத்தில்,
தொட்டுப் போக ஜீவன்கள் வந்ததும்
மீண்டும் துளிர் விட்டு
புது உலகை எட்டிப் பார்க்கும்
விந்தை என்ன?
என் உடனாக வந்து
உருவமாக விழியில் விழுந்து
உணர்வாக உயர்ந்து - இன்று
உயிராக ஒட்டிக்கொண்டிருக்கும்
இந்த உள்ளங்கள் - என்
நிழலில் இருந்து
சில உருவங்களாய் பிரிந்து
என்னுடன் வாழ்வதென்ன?
இவர்களின்
மாறாத அன்பும்,
தேயாத புன்னகையும்,
கலையாத நினைவுகளும்,
என்னுடல் மண்ணிலே புதையும் வரை
நெஞ்சினில் துடித்திட
வரம் கொடு இறைவா....